Acaba de publicarse o Decreto 8/2015 polo que se desenvolve a Lei 4/2011,de convivencia e participación da comunidade educativa en materia de convivencia escolar.
O decreto regula as funcións do consello escolar, comisión de convivencia, claustro e equipo directivo en relación á promoción da convivencia escolar nos centros.
Tamén establece os criterios para a elaboración do Plan de Convivencia do centro, que debe incluír a análise do centro en relación á convivencia, medidas e programas que se levan a cabo, o protocolo para a prevención e intervención nos casos de acoso escolar, as normas de convivencia do centro, condutas contrarias á convivencia e correccións que correspondan.
Finalmente tamén recolle as condutas contrarias á convivencia escolar e medidas de corrección.
