A NOVA LEI DE EDUCACIÓN: A LOMCE

O 30 de decembro de 2013 entrou en vigor a Lei Orgánica 8/2013 de 9 de decembro, de Mellora da Calidade Educativa publicada no BOE o 10 de decembro de 2013 ( mais coñecida como a LOMCE).

Os cambios comezarán no curso 2014/2015 .Podedes consultar  información sobre a nova Lei no apartado LOMCE que podes ver á esquerda da pantalla: calendario de implantación, materias da ESO, avaliación final da ESO (Reválida), Formación Profesional Básica ( substitúen aos PCPIs), etc...

¿Cales son os cambios máis importantes que che afectan?
-Itinerarios educativos: cando estés en 3º ESO terás que decidir se queres cursar 4º ESO polas ENSINANZAS ACADÉMICA a ou polas ENSINANZAS APLICADAS.

-Cando remates 4º ESO non obtés o Título da ESO aínda que aprobes tódalas materias. Terás que presentarte a un EXAME (reválida) que deberás APROBAR para obter o TÍTULO DE GRADUADO EN ESO.

-Cando remates 2º Bacharelato non obtés o Título de Bacharelato aínda que aprobes tódalas materias. Terás que presentarte a un EXAME (reválida) que deberás APROBAR para obter o TÍTULO DE BACHARELATO.

-DESAPARECE a proba de acceso a ensinanzas de Grao (PAEG), é dicir, a SELECTIVIDADE. As Universidades que o desexen, poderán fixar procedementos de admisión aos graos ( avaliacións específicas)