Para realizar estudos de formación profesional nos centros docentes sostidos con fondos públicos é necesario, ademais de cumprir os requisitos de acceso para cada tipo de ensinanzas (ter o Título da ESO para acceder a grao medio ou Tïtulo de Bacharelato para o acceso a grao superior, ou ben aprobar a proba de acceso correspondente) participar nun proceso de admisión.
Este proceso establece un sistema de prioridades na adxudicación de prazas para cada centro educativo e para cada ciclo formativo (e, de ser o caso, de cada módulo profesional), así como os prazos de presentación de solicitudes e de formalización da matrícula.
As ensinanzas de formación profesional conducentes á obtención dos títulos de técnico e de técnico superior están organizados en ciclos formativos de grao medio e de grao superior, respectivamente.
Recorda que existen tres formas de cursar estas ensinanzas: réxime ordinario, réxime de adultos presencial e réxime de adultos a distancia.
Se precisas máis información podes consultar a presentación de Formación profesional que encontrarás neste blog, na etiqueta Decidir itinerario formativo, ou ben podes pasar polo departamento de orientación do IES.
Ningún comentario:
Publicar un comentario